Bu barədə Konfederasiyanın İqtisadiyyat üzrə Dövlət Katibliyinin bəyanatında bildirilir.

Qara siyahıya ilk dəfə olaraq doqquz fiziki şəxs, o cümlədən “Rostex”in icraçı direktoru Oleq Yevtuşenko, Birləşmiş Gəmiqayırma Korporasiyasının keçmiş rəhbəri Aleksey Raxmanov və iş adamı Tahir Qarayev daxil edilib. Sanksiyaların tətbiqinə Rusiyanın hərbi-sənaye kompleksi ilə əlaqələr əsas gətirilib.

Sanksiya siyahısına həmçinin PUA-ların, hərbi elektronikanın istehsalı və komponentlərin təchizatı ilə məşğul olan 45 şirkət və təşkilat daxil edilib.

Buna qədər Rusiyanın Berndəki səfiri Sergey Qarmonin İsveçrənin Rusiyaya qarşı sanksiyalara qoşulmasının onun neytral ölkə kimi nüfuzunu sarsıtdığını bəyan etmişdi. Diplomatın sözlərinə görə, rusiyalı müştərilərin bank diskriminasiyası konfederasiyanın maliyyə sektorunun xidmətlərinə qarşı ən təsirli anti-reklamdır, buna görə də İsveçrə banklarının bütün potensial istifadəçiləri bu və ya digər ölkə qəfil Vaşinqton və Brüssel üçün arzuolunmaz olarsa, özlərini necə aparacaqları barədə düşünməlidirlər.