İran xarici işlər naziri Abbas Arakçı Xəzər dənizinin hüquqi statusu haqqında Konvensiyanın parlamentə təqdim olunması ilə bağlı danışıb.

ictimai.info APA-ya istinadla xəbər verir ki, Arakçı Konvensiyanın 2019-cu ildə əvvəlki hökumət tərəfindən qərar verilməsi üçün parlamentə göndərildiyini deyib.

Onun sözlərinə görə, Xəzəryanı digər 4 ölkə artıq bu Konvensiyanı qəbul edib və İranın da onu qəbul etməsi İran parlamentinin təsdiqindən asılıdır.

Arakçı sonda qeyd edib ki, Rusiya kimi ölkələr Konvensiyanın sürətlə icrasını istəyir və bu sənədin əsas xüsusiyyətlərindən biri də Xəzər dənizində heç bir xarici hərbi qüvvənin olmamasıdır.